Home Lajme Ish-komandanti i UÇK-së para Gjykatës, ankohet se avokatët po frikësohen ta mbrojnë

Ish-komandanti i UÇK-së para Gjykatës, ankohet se avokatët po frikësohen ta mbrojnë

by rks2008

Të mërkurën, në Gjykatën Themelore në Prizren, ka vazhduar gjykimi për rastin e ish-komandantit të Ushtrisë Çlirimtare të Kosovës (UÇK), i njohur si komandant “Molla e Kuqe”, Remzi Shala.

Ai po akuzohet nga Prokuroria Speciale e Republikës së Kosovës (PSRK), për v rasjen e një civili gjatë luftës së fundit në Kosovë, raporton “Betimi për Drejtësi”.

Në seancën e së mërkurës u bë e ditur se avokati i cili ka qenë i angazhuar për mbrojtjen e të akuzuarit disa ditë para mbajtjes së seancës, Asman Hoxha, është tërhequr nga mbrojtja.

Lidhur me këtë, i akuzuari Shala tha se avokatit Hoxha, i angazhuar sipas detyrës zyrtare, ia kishte dhënë dy letra ku ia kishte treguar të gjithë ngjarjen, pas çka sipas të akuzuarit avokati nuk ka pranuar më të vazhdojë mbrojtjen.

Të njëjtat letra i akuzuari ia dha edhe trupit gjykues të kryesuar nga gjykatësja Raima Elezi, prokurorit special Haki Gecaj dhe përfaqësuesit të palës së dëmtuar, avokatit Asdren Hoxha.

Para avokatit Asman Hoxha, nga mbrojtja e të akuzuarit kishte hequr dorë edhe avokati i angazhuar në mënyrë private nga vet Shala, Natal Bullakaj,

Sipas të akuzuarit, arsyeja se pse avokatët po refuzojnë që atij t’i ofrojnë mbrojtje është për shkak se po frikësohen.

Meqenëse në seancën e së mërkurës nuk ishte i angazhuar asnjë avokat për ta përfaqësuar palën e akuzuar, në sallën e gjykatës u paraqit kryetari i Odës Regjionale të Avokatëve në Prizren, Hajrip Krasniqi, i cili në koordinim edhe me të akuzuarin, caktuan avokatin sipas detyrës zyrtare, Afrim Paqarizi, për ta përfaqësuar të akuzuarin.

Pak më vonë avokati Paqarizi u paraqit në sallë të gjykimit, ku pas konsultimit me të mbrojturin e tij, kërkoi që kjo seancë të ndërpritet dhe e njëjta të caktohet për një datë tjetër.

Trupi gjykues e aprovoi kërkesën e palës mbrojtëse dhe njoftoi se seanca e radhës do të mbahet me 4 tetor 2020, në ora 09:30.

Ndryshe, Gjykata Themelore në Prizren, Departamenti për Krime të Rënda më 8 korrik 2019, kishte marr aktgjykim me të cilin të akuzuarin Shala e kishte shpallur fajtor për veprën penale krime lufte kundër popullatës civile duke u dënuar me 14 vite burg.

Por Gjykata e Apelit e ka ndryshuar aktgjykimin e shkallës së parë, duke ia zbritur dënimin në 10 vjet burgim.

Kërkesë për mbrojtje të ligjshmërisë në Gjykatë Supreme kishte parashtruar mbrojtësi i të akuzuarit, avokati Natal Bullakaj, ndërsa Zyra e Kryeprokurorit të Shtetit kishte propozuar që kërkesa e mbrojtësit të të dënuarit të refuzohet si e pabazuar.

E Gjykata Supreme e Republikës së Kosovës, në maj të këtij viti, e ka kthyer rastin në rivendosje.

Ish-komandanti i UÇK-së, i njohur si komandant “Molla e Kuqe”, akuzohet nga Prokuroria Speciale e Republikës së Kosovës (PSRK), për v rasjen e një civili gjatë luftës së fundit në Kosovë.

Shala akuzohet nga Prokuroria Speciale e Republikës së Kosovës se gjatë kohës së luftës në Kosovë, më 26 qershor 1998, duke vepruar si pjesëtar i Ushtrisë Çlirimtare të Kosovës (UÇK), së bashku edhe me disa pjesëtarë tjerë të paidentifikuar, kanë marrë nga shtëpia e tij, v iktimën Haxhi Përteshi.

Sipas aktakuzës, Remzi Shala, i cili ishte i vetmi pa maskë në kokë, së bashku edhe me 5-6 pjesëtarë tjerë të UÇK-së, të maskuar, nën dyshimin se i ndjeri ishte bashkëpunëtorë i forcave serbe, kanë shkuar në fshatin Duhël dhe të njëjtin e kanë dërguar në një vend të panjohur.

Në aktakuzë thuhet se djali i v iktimës, Agron Përteshi, i kishte parë ata të largoheshin, së bashku me babanë e tij, në drejtim të fshatit Grajqevc dhe pas disa dite trupi i pajetë i të ndjerit ishte gjetur në afërsi të rrugës, afër qendrës së fshatit Duhël.

0 comment

You may also like

Leave a Comment