Home Lajme Edhe një ushtar i UÇK-së i ftuar nga Gjykata Speciale

Edhe një ushtar i UÇK-së i ftuar nga Gjykata Speciale

by rks2008

Ish-ushtari i Ushtrisë Çlirimtare të Kosovës, Sadri Selimi, është ftuar për intervistim nga Gjykata Speciale, në cilësinë e të dyshuarit për krime lufte.

Lajmin e ka bërë të ditur bashkëluftëtari i tij, Safet Hasani, përmes një postimi në Facebook, transmeton Klan Kosova.

Ky është njoftimi i plotë:

Sot morëm lajmin se bashkëluftëtari ynë, që shërbyem së bashku në të njëjtën njësi ushtarake PU-ZOSh gjatë luftës së UÇK-së, Sadri Selimi, nga Vërrnica e Vushtrrisë, është ftuar nga Gjykata Speciale për krime lufte, në cilësinë e të dyshuarit.

Ne jemi plotësisht të bindur për pastërtinë e Sadriut, për veprat e tij gjatë luftës dhe për tërë luftëtarët e UÇK-së. Ashtu siç dole faqebardhë gjatë luftës ashtu të presim edhe të kthehesh nga kjo gjykatë fantome.

Do të doja të dij, si po ndihen tani ata dëshmitarë parazitë (spiunë) që dëshmuan kundër pjesëtarëve të UÇK-së?

A ju mjaftoj o ju të mjerë që për pak para dhe dokumentacionet e refugjatëve që i fituat t’i akuzoni pjesëtarët e UÇK-së dhe luftën e shenjtë të UÇK-së?
Qofshin të mallkuar për shumë breza ata spiunë që kritikojnë pjesëtarët e UÇK-së dhe luftën e shenjtë e UÇK-së!

0 comment

You may also like

Leave a Comment